"گیله مرد"
( جواد اصغری جورشری ( زَپـــّه
گیله مرد اوی گیله مرد تی سرأ تو بجورأ گیر / جه خدابازم تره جون برارکومک فاگیر
گیله مرد ای کی تی پا بترک واترک / تی دسون آب پیله واستی جیجایه
چانه پس تی شی اگرچانچو واسی زخم وذلیل / تی تلاشه اَمرِه صدته دلیل
غم نخور دونیا هتو کی نمانه /خودا جه هرچی خوره حیساب داره
هر کسی خودا ویجا کیتاب داره
غم نخور آخرپس تی پسا چین / روسفید کونه تره خلق ویجا
گیله مرد اوی گیله مرد تی سرأ تو بجورأ گیر
ایله جار اگر نبو بهار تی قسمت نشا رِه / تی دسون خالی ، تی دیل بسوخته یه
خاش ورزا تی شینام اوال ندار / پوشت تی شین قورصه ، تی جون ساقه برار
عرصیه جنگه تره ، باغ و بیجار
بالاخا تی زناکه خؤنه چراغ / عاشق کولشکن و کیشکایو باغ
خو دسَ بیج بیج امره بیجاره پاکه کوده / پارسالم هه دس امره کلَه آباده کوده
گیله مرد اوی گیله مرد تی سرأ تو بجورأ گیر / کله خوک تی بیجاره منّی فوتورکان بزنه
نیصف شو شال نتونه تی مورغونه سربزنه / دِ اَلون تی سیاسگ رفیق دوزو شال نیه
کورکودن دوشمن چومه تره دِ محال نیه / کور کودن دوشمنه چومه ترِه دِ محال نیه
گیله مرد ، هیزره تی مرام نیه داغوله گی / سر هر بود و نبود ناری خداجه گیله گی
تودانی کله مایی سفره یه رنگین نکونه / تنگ چوم بیخودی خو زردجوله باداکونه
گیله مرد اوی گیله مرد تی سرأ تو بجورأ گیر
بیجار سیا زولی اگرتی خونأ فدوشه / نا نی کی آخرپس خومرگ نقشیه کشه
تی ویجا معنی ناره سیا بهار / همه تی قورصه خورن جؤن برار
دیل دریایه داری دریا بزه کُنده ای تو / تی نماز قضا نیبه خودا خورم بنده ای تو
سرفوتی همه تی منتظیرَد پاپیش بنی / تویی کی ایل جاره انگاره اوشا نه رِ دینی
گیله مرد اوی گیله مرد تی سرأ تو بجورأ گیر / جه خدا بازم تره جون برار کومک فاگیر
No comments:
Post a Comment