"گیلان ملیلأن"
هم آوایان تاسیان
شاعر: محسن آریاپاد
گیلان ، گیلان ، گیلان ملیلأن
وارش تی وأسی خو سرأ شیفون زنه گیـلان !
آذوقـه فاده خـاكـأ ، جـه ابـران ملیلأن
دریایأ که بی لپّـه دینی اَینه بوبؤسـته
ماهی مرأ خو صاف سر و دیـمأ بوشؤسـته
خورشید چومأ ، سایه اِیسه دُرفک سُرمه
توت تَرَه ولگان ، تی کج پِئلَه ره نـرمه
اَستانه جلال اشـرف بقـعه ، ايسه بركت
كي ناجه، سيفيدرود مأنستأن دهه حركت
گیلان ، گیلان ، گیلان ملیلأن
گيـل لا بخوابأ شو عتيقه مـرأ ، مارليك
گفتاندره مي کؤنه تمـدن نيـه تاريـك
لاجؤن چـأیی ، ایران ره غمـزه فروشـه
تـا باقی باغان میان ، سـبزه بـه دوشـه
زيتون داَر و بج ووشأن وشتن كله ، داغـه
سوسن ، داماش باغ دورون ، چِلتا چراغه
گیلان ، گیلان ، گیلان ملیلأن
بی تالـش نـاَم ، ماسـوله نـامأ نشأ بردن
قلـعه روخأن مرخـه دره فومن گردن
مؤرداب پِیله کاسـه دورون قاقأ به آدم
تی چش پره میئن راسته کی آدم ، اَوره کم
هر جا وطن ره ، ببـه آزادي غزلخأن
ویشتر دَتاوه جنگل سر میرزا کوچي خان
No comments:
Post a Comment